Il-lewż u l-ħawħ jiġu minn xulxin u tassew jaqblu flimkien fit-togħma. Issa li hu żmien il-ħawħ, jiswa li tieħu xi ideat oħrajn ta' kif tista' tgawdi dan il-frott delizzjuż barra li tieklu frisk kif inhu. Agħmel smoothie bil-ħawħ u l-lewż, itfgħu ġo flixkun, u ħudu miegħek biex tixorbu tkun fejn tkun. Żidlu wkoll ftit ħafur (oats)biex iżżidlu s-sustanza u ħudu bħala kolazzjon bnin jew snack meta jaqbdek il-ġuħ.
Isservi: 1 abbundanti
Enerġija: 286 kalorija
Ingredjenti:
- 2 imgħaref ħafur
- 2-3 imgħaref misħun, kemm tgħatti l-ħafur
- 2 ħawħiet: neħħi l-għadma u qatta'
- Kikkra ħalib tal-lewż mhux miżjud biz-zokkor (unsweetened almond milk)
- 10 lewżiet nejjin: xarrabhom fl-ilma matul il-lejl
- Ponta ta' kuċċarina estratt tal-lewż, jew skont il-gosti
- Ponta ta' kuċċarina estratt tal-vanilja, jew skont il-gosti
- Ħlewwa skont il-gosti (għasel, agave nectar eċc.)
- Silġ
Tħejjija:
- Poġġi l-ħafur ġo skutella mal-misħun u ħallih sakemm isir (madwar 15-il minuta).
- Poġġi l-ingredjenti kollha ġol-blender (bil-ħafur b'kollox) u ħawwad għal madwar minuta b'velocità għolja.
- Servi immedjatament.
Ippruvajt din ir-riċetta? Kif sibtha? Għidilna billi tħalli kumment hawn taħt.
