Riċetta: Shortening għall-għaġina Vegan

Riċetta: Shortening għall-għaġina Vegan

Ix-shortening ta' sikwit jintuża fil-ħami għaliex meta tużah fit-tħejjija tal-għaġina ma tibqax elastika u ssir iktar titfarrak, bħall-għaġina tat-torti.

Ix-shortening huwa magħmul minn 100% xaħam għax dawn il-molekoli jrażżnu t-tagħqid tal-molekoli tal-glutina u jqassarhom, b'hekk insibu dan l-isem li jfisser "li jqassar" u fil-fatt din it-tip t'għaġina tissejjaħ short crust pastry. Għal dan l-iskop huwa importanti li x-xaħmijiet meta tgħaqqadhom flimkien ikunu fit-temperatura tal-kamra u li t-taħlita għandha tagħqad malajr kemm jista' jkun wara li jitħalltu ż-żjut.  

Din ir-riċetta magħmula minn żejt 100% veġetali u biha tagħmel daqs kikkra, jew 215 g, shortening li huwa tajjeb ukoll għall-vegani.

Ingredjenti:

  • ¾ ta' kikkra żejt tal-ġewża tal-Indi (coconut oil)
  • ¼ ta' kikkra żejt tal-kanola (canola oil) jew żejt ħafif taż-żebbuġa  (light olive oil) jew rice bran oil.

Tħejjija:

  1. Iż-żejt tal-ġewża tal-Indi jsir solidu fil-kesħa, iżda fis-sajf Malti ssibu maħlul. Jekk ikun solidu meta tkun se tħejji din ir-riċetta, saħħnu ġo forn konvezzjonali (microwave) għal ftit sekondi biss, kemm kemm ikun dab imma ma sarx jaħraq.
  2. Poġġi maż-żejt tal-kanola ġo blender u ħawwad għal madwar minuta. Jekk hemm bżonn, niżżel dak li jkun hemm mal-ġenb tal-blender wara 30 sekonda biex żgur kollox ikun qiegħed jitħallat sew.
  3. Ferragħ t-taħlita ġo trej tas-silġ, u poġġi fil-friża immedjatament biex it-taħlita tagħqad.
  4. Tista' tuża x-shortening fi żmien siegħa.
  5. Żomm ġo kontenitur li ma jidħolx l-arja fih sa 3 xhur fil-friġġ, jew inkella dawwar fil-plastik u żomm fil-friża sa sentejn.