Is-Sangria tradizzjonalment tikkonsisti f'taħlita ta' inbid, frott imħallat, ħlewwa u ftit brandy. Il-frott jista' jkun taħlita ta' larinġ, lumi, lajm, dulliegħ, ħawħ, tuffieħ, għeneb, berries, kiwi, ananas u saħansitra mango. Bħala ħlewwa jintuża l-għasel, il-ġulep, iz-zokkor jew meraq tal-larinġ.
Din ir-riċetta trazizzjonali Spanjola u Portugiża ġiet mibdula diversi drabi biex jinħolqu ħafna riċetti ġodda u differenti mis-soltu, bħal din ir-riċetta li saret kemmxejn popolari tas-sangria biċ-ċidru tat-tuffieħ li tista' tipprovaha skont il-metodu t'hawn taħt.
Preparazzjoni: 5 minuti
Ħin totali: 5 minuti, u mbagħad ftit siegħat biex tkessaħ.
Ingredjenti:
- 6 kikkri għeneb bla żrieragħ
- 4 kiwi, imqaxxrin u mqattgħin roti rqaq
- 8 tuffieħat żgħar, neħħilhom il-qlub u qattagħhom roti rqaq
- Flixkun (750 ml) inbid abjad Sauvignon Blanc
- Litru ċidru tat-tuffieħ (apple cider)
- Kikkra brandy tat-tuffieħ Calvados
Tħejjija:
- Iffriża nofs l-għeneb ġo dixx miksi bil-karta tal-forn.
- Poġġi l-kumplament tal-għeneb ġo buqar flimkien mal-kiwi u t-tuffieħ. Żid l-inbid, iċ-ċidru u l-brandy u ħawwad sew.
- Għatti u żomm fil-friġġ mill-inqas 4 siegħat, għall-massimu ta' 24 siegħa.
- Servi ġo tazzi mimlijin bl-għeneb iffriżati.
