Din ir-riċetta hija ideali għal meta trid tħejji ikla tajba u ta' malajr. Jekk għandek iktar ħin, tista' tuża salamun frisk mixwi minflok dak tal-landa, jekk tippreferi. Oqgħod attent mill-melħ peres li r-riċetta fiha l-kappar, li hu mielaħ minnu; aħjar titfa' ftit anqas u żżid iktar jekk ikun hemm bżonn. Ipprova r-riċetta u għidilna x'taħseb.
Ħin: 30 minuta
Isservi: 4 persuni
Ingredjenti:
- 3 laned tal-170 g Rio Mare Salmon Fillets in Olive Oil
- 2 brunġiliet
- 2 biċċiet karfus
- Nofs basla
- 2 tadamiet
- 40 ml żejt taż-żebbuġa
- 20 g żebbuġ iswed, mingħajr l-għadam
- 20 g ġewż tal-arżnu (pine nuts)
- Mgħarfa kappar
- Mgħarfa ħall
- Tursin imqatta'
- Kuċċarina zokkor
- Melħ
Tħejjija:
- Qatta' l-brunġiel, il-basla, il-karfus u t-tadam.
- Aqli l-basla fi ftit żejt sakemm tismar, żid iz-zokkor u l-ħall u ibqa' sajjar sakemm il-ħall jevapora.
- Żid il-brungiel, it-tadam u ħarira melħ. Sajjar fuq nar għoli għal madwar 10 minuti. Żid iż-żebbuġ, il-kappar u l-ġewż tal-arżnu.
- Neħħi ż-żejt minn mas-salamun tal-landa; poġġi fuq il-kapunata u saħħan għal madwar 2 minuti.
- Raxxax ftit tursin fil-wiċċ u servi.
X'taħseb fuq din ir-riċetta? Ħalli l-kummenti tiegħek hawn taħt, u jekk jogħġbok ħalli r-rating tiegħek u agħfas share biex inkomplu nwasslulek aktar artikli li jogħġbuk.