Oriġinarjament din ix-xarba sħuna, li llum ukoll sar għanda rabta mal-Milied, kienet tittieħed bħala deżerta imma kienet tingħatha wkoll bħala kura għall-influwenza, irjiħat u deni, bħalma aħna llum nieħdu l-misħun bl-għasel, whisky u lumi. Il-posset tmur lura għaż-żminijiet medjevali, magħmula minn ħalib u nbid jew birra, u ħwawar. L-aktar verżjoni popolari kienet is-sack possett – sack kienet tip ta’ birra ħelwa li t-togħma tagħha tixbah lil tax-sherry ħelu.
Ingredjenti
- 6 isfra tal-bajd
- 3 abjad tal-bajd
- 1 kikkra sherry ħelu
- ¼ kuċċarina trab tal-kannella
- ¼ kuċċarina noċemuskata maħkuka friska
- ⅔ kikkra zokkor fin (caster sugar)
- 4 kikkri krema singla
- Noċemuskata maħkuka friska, biex troxx
Metodu
- F’bieqja ħabbat flimkien l-isfar tal-bajd, l-abjad tal-bajd, ix-sherry u l-ħwawar sakemm jitħalltu sew.
- Poġġi l-bieqja fuq kazzolla bl-ilma jagħli (banjumarija) u ħawwad sakemm tisħon it-taħlita. Tħallix it-taħlita tisħon iżżejjed għax inkella jagħqad il-bajd.
- Warrab mimli kuċċarina miz-zokkor għal aktar tard u poġġi l-kumplament f’kazzola flimkien mal-krema. Saħħan sakemm taqbad tfur u malajr ferragħha bil-mod u mill-għoli fuq it-taħlita tal-bajd. Int u tferra’ importati li tibqa’ tħabbat it-taħlita tal-bajd biex tiġi bħal ragħwa.
- Ħalli t-taħlita toqgħod f’post sħun għal 5 minuti, imbagħad roxx biz-zokkor li tkun erfajt u ftit noċemuskata maħkuka. Servi sħuna fil-maggijiet.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
