Ross li tippreparah fi ftit minuti u li jinkludi ħaxix frisk tal-istaġun li huwa l-ful. Jekk se tagħmel dan il-platt ross barra mill-istaġun tal-ful tista’ tuża l-iffriżat ukoll.

Preparazzjoni: 10 minuti

Ħin totali: 45 minuta

Iservi: 4 persuni

Ingredjenti:

• Mgħarfa żejt taż-żebbuġa
• 100 g bacon, mingħajr ġilda u mqatta’
• Basla, imqattgħa
• 2 sinniet tewm, imqattgħin
• 350 g zalzett chorizo
• 300 g ross arborio jew mill-qasir (short grain)
• 1 l stokk tat-tiġieġ, jaħraq
• 1.1 kg ful fil-miżwed (300 g imqaxxar)
• 2 imgħaref tursin frisk, imqatta’
• 80 g ġobon Parmiġġan, maħkuk

 Tħejjija:

1. Saħħan iż-żejt f’kazzola baxxa u żid il-basla, it-tewm, il-bacon u z-zalzett chorizo. Qalli għal 5 minuti.
2. Żid ir-ross u ħawwad sakemm jinkesa kompletament bit-taħlita tal-kazzola.
3. Żid kuċċarun stokk mar-ross u ħawwad sakemm jinxtorob.
4. Żid il-ful u kuċċarun ieħor stokk u ħawwad sakemm jerġa’ jinxtorob il-likwidu.
5. Ibqa’ żid kuċċarun kull darba sakemm tuża l-istokk u jsir ir-ross.
6. Żid nofs il-ġobon Parmiġġan u ħawwad.
7. Servi r-ross sħun b’aktar Parmiġġan maħkuk, u tursin imferrex fil-wiċċ.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!