Naħseb li, wara l-għaġin, ir-risotto huwa l-aktar ikla faċli li tista’ tipprepara. Tista’ żżid miegħu dak li trid, minn ħxejjex u laħmijiet jew ħut differenti biex toħloq platt għall-gosti tiegħek.
Ħin: siegħa
Isservi: 4 persuni
Ingredjenti:
- 2 imgħaref żejt taż-żebbuġa
- Basla kbira, imqattgħa rqiq
- 3 sinniet tewm, imqattgħin
- 300 g ross, arborio jew short grain
- Litru stokk tat-tiġieġ, jaħraq
- 500 g qargħa ħamra, imqaxxra, imnaddfa u mqattgħa dadi żgħar
- 100 g piżelli tal-friża, bil-friża mniżżla
- 50 g ġobon Parmiġġan, maħkuk oħxon
- 2 isdra tat-tiġieġ, imqattgħin dadi
Tħejjija:
- Saħħan iż-żejt f’kazzola wiesgħa fuq nar moderat u żid il-biċċiet tat-tiġieġ. Ħawwad sakemm isiru sew u jibdew jieħdu kulur dehbi. Tellagħhom mill-kazzola b’mgħarfa mtaqqba u ħallihom joqtru fuq platt miksi bil-karti tal-kċina.
- Fl-istess taġen qalli l-basla u t-tewm għal 4-5 minuti sakemm jirtabu.
- Żid il-qargħa u kompli qalli għal 3 minuti oħra, imbagħad żid ir-ross u ħawwad sakemm jinkesa.
- Baxxi n-nar, żid kuċċarun stokk jaħraq mar-ross u ħawwad sakemm jinxtorob il-likwidu.
- Kompli sejra hekk akemm tuża ¾ tal-istokk, imbagħad żid il-piżelli u t-tiġieġ u kompli uża l-istokk sakemm jinxtorob kollu mir-ross.
- Żid nofs il-Parmiġġan mar-ross, roxx bil-bżar mitħun frisk u ħawwad sew.
- Servi fil-pront b’aktar ġobon Parmiġġan fil-wiċċ.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
