Kumbinazzjoni li mhijiex komuni tal-qarabagħli maż-żebbuġ tagħmel lil dan ir-risotto kremuż u wieħed oriġinali b’togħma different immma tassew pjaċevoli.

Preparazzjoni: 5 minuti

Ħin totali: 30 minuta

Isservi: 4 persuni

Ingredjenti:

• 1 basla, imqattgħa rqiq
• 1 mgħarfa żejt taż-żebbuġa
• 3 qarabagħliet mit-twal, imqattgħin roti rqaq
• 250 g ross arborio, jew short-grain
• 1 litru stokk tal-ħaxix, sħun
• 120 g ġobon artab, Philadelphia Light
• 50 g ġobon feta
• 20 g żebbuġ iswed mingħajr għadma, imqatta’

Tħejjija:

1. Saħħan iż-żejt f’taġen kbir, żid il-basla u l-qarabagħli u qalli għal 3-4 minuti. Żid ir-ross u ħawwad sakemm jinkesa.
2. Żid kuċċarun stokk u ħawwad sakemm jinxtorob. Kompli b’dan il-mod sakemm tuża l-istokk kollu.
3. Żid il-ġobon artab (Philadelphia) mar-ross u ħawwad sakemm jitħallat sew. Servi r-risotto fil-pront bil-ġobon feta mfarrak fil-wiċċ.

Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share. 

Would you like to read this recipe in English? Let us know in the comments section below!