Riċetta: Pulpetti tal-ful u ċ-ċiċri mħawrin

chick pea and bean patties: Pulpetti tal-ful u ċ-ċiċri mħawrin

Pulpetti veġetarjani mimlijin proteina. B’togħma ftit taħraq ta’ filfel, dawn il-pulpetti tal-ful frisk u ċiċri għandhom iż-żieda ta’ ħxejjex aromatiċi u żrieragħ li jagħtuhom togħma appetituża.

Ħin: 30 minuta

Isservi: 3-4 persuni

Ingredjenti:

  • Kilo ful fil-miżwed
  • Bott ta’ 400 g ċiċri
  • Ponn weraq tal-kosbor (coriander) frisk
  • Ponn weraq tan-nagħniegħ
  • Melħ oħxon
  • Bżar mitħun frisk
  • 2 sinniet tewm, misħuqin
  • Kuċċarina żerriegħa tal-kosbor (coriander), mitħuna
  • Kuċċarina żerriegħa tal-kemmun, mitħuna
  • Bżaru felfel, mingħajr żerriegħa u mqatta’
  • Qoxra u meraq ta’ nofs lumija
  • 60 g dqiq
  • Żejt veġetali, biex taqli
  • 250 ml jogurt naturali
  • 2 imgħaref nagħniegħ, imqatta’ rqiq

 Tħejjija:

  1. Qaxxar il-ful mill-qoxra ta’ barra. Għalli borma bl-ilma u żid il-ful; għalli għal 2 minuti u saffi. Qaxxar it-tieni qoxra.
  2. Poġġi l-ful u ċ-ċiċri fi proċessur tal-ikel u dawwar biex tħawwadhom. Żid il-weraq tal-kosbor u n-nagħniegħ, melħ u bżar, il-qoxra u meraq tal-lumija, iż-żrieragħ tal-kosbor u tal-kemmun, il-felfel u t-tewm, u kisser kollox fin.
  3. B’idejk ifforma 10-12-il pulpetta u dawwarhom fid-dqiq.
  4. F’taġen kbir ferra’ b’kemm jinkesa l-qiegħ sew u aqli l-pulpetti miż-żewġ naħat sakemm jiħmaru. Poġġihom fuq platt miksi bil-karti tal-kċina biex joqtru.
  5. Sadanittant ħallat il-jogurt man-nagħniegħ imqatta’ fi skutella żgħira.
  6. Servi l-pulpetti sħan mal-jogurt bin-nagħniegħ.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!