Ħin: siegħa u 20 min
Preparazzjoni: 30 min
Preparazzjoni inattiva: 5 min
Tisjir:45 min

Isservi: 6  

Ingredjenti:

• Dqiq, biex tiksi l-landa
• 7 mgħaref butir mingħajr melħ artab, u ftit iktar biex tiksi l-landa
• 225 g tamal imqatta’
• Kikkra u żewġ imgħaref te iswed
• 170 g zokkor (golden caster)
• 3 bajdiet
• Kuċċarina ħwawar imħallta (mixed spice)
• Kuċċarina essenza  tal-vanilja
• 225 g dqiq (self-raising)
• ¾ ta' kuċċarina bikarbonat tas-sodju (baking soda)
• Ġelat tal-vanilja jew krema tajba biex titħallat (whipped cream), biex isservi
• Zalza tat-toffee
• Pakkett butir,
• 255 g zokkor kannella ċar (jew uża nofs kannella u nofs zokkor caster (mill-irqiq ħafna)  
• 1 u ¼ ta' kikkra xropp miz-zokkor (golden syrup)
• Kikkra krema (heavy cream)
• ½ kuċċarina essenza tal-vanilja

Zalza tat-toffee bl-alkoħol:

• 1 stikka butir
• 225 g zokkor kannella ċar (jew uża nofs kannella u nofs zokkor caster (mill-irqiq ħafna)
• Kikkra krema (heavy cream)
• ¼ ta' kikkra brandi
• ¼ ta' kikkra sherry mill-ħelu   

Tħejjija:

1. Ħelwa, tieħu pjaċir tikolha u faċli biex tagħmilha, din il-pudina żgur se tikkuntenta lil kulħadd.
2. Tista’ tippreparaha minn qabel u tibqa’ tajba ħafna ladarba li ssajjarha, sa ħames jew sitt ijiem, f’ tupperware fil-friġġ jew sa tliet xhur fil-friża. Qabel ma sserviha, saħħanha fil-forn b’temperatura baxxa għal xi 15-il minuta mgħottija (iddefrostjaha jekk kienet iffriżata).
3. Saħħan il-forn sa 180 °C
4. Imsaħ il-ġnub ta’ landa ta’ 8 pulzieri (jew landa tal-kejkijiet ta’ 8 pulzieri bi 8) bil-butir u d-dqiq u iksi l-qiegħ bil-karta tat-tisjir.
5. Qiegħed it-tamal imqatta’ u t-te f’kazzola u għallihom. Sajjar għal ftit minuti sakem jirtab it-tamal, neħħi minn fuq in-nar u warrabhom.
6. Fi skutella u f’mixer tal-elettriku, ħabbat il-butir sakemm jirtab. Żid iz-zokkor, u ħabbat sakemm it-taħlita tkun ċara u ħafifa. Żid il-bajd u ħabbathom waħda wahda, u wara żid il-ħwawar imħallta u l-essenza tal-vanilja. Żid it-taħlita tat-tamal. Żid id-dqiq (għaddih minn passatur), u l-bikarbonat tas-sodju, u ħallathom bil-mod.
7. Ferragħ it-taħlita fil-landa u sajjarha sakemm il-parti ta’ fuq tinħass soda meta tmissha b'tali mod li seffud (skewer) joħroġ nadif wara li ddaħħlu fin-nofs tal-kejk, wara 45 minuta.
8. Ħalli l-kejk fil-landa għal xi 5 minuti qabel ma tneħħih u tqiegħdu fuq platt. Waqt li l-kejk ikun qed jiksaħ ipprepara z-zalza tat-toffee.
9. Biex isservi: qatta' l-kejk f’biċċiet u żid ftit ġelat jew krema u raxxax naqra mhux ħażin zalza tat-toffee fuq il-wiċċ! 

Nota:

Dan il-kejk tista’ sservih ukoll b’zalza tat-toffee bl-alkoħol.

Zalza tat-toffee bl-alkoħol:  Riċetta: F’kazzola, ħallat il-butir, iz-zokkor u l-krema u għallihom. Ħallathom il-ħin kollu. Għallihom għal 4 minuti jew sakemm iz-zalza tagħqad ftit. Neħħi l-kazzola minn fuq in-nar, u ħalli t-taħlita tibred għal minuta qabel ma żżid il-brandy u x-sherry. 

Isservi: kikkra u ¾  

Zalza tat-toffee :

F’kazzola fuq nar għoli, ħallat flimkien il-butir, iz-zokkor, ix-xropp, il-krema u l-essenza tal-vanilja. Għallihom għal madwar 4 sa 5 minuti, u ħawwadhom il-ħin kollu, sakemm iz-zalza tagħqad. Serviha sħuna.

Isservi:  2 kikkri u ¾ 

Ippruvajtha din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.