Din ir-riċetta tajba ħafna biex tuża dak li jibqagħlek mill-prinjolata għax ma tantx tidher preżentabbli wara li taqsamha imma tkun tista' ddawwar li jibqa' fil-mixer u dawn il-pops jiġu sbieħ ħafna.
Ingredjenti:
- Prinjolata li jibqagħlek
- Ċikkulata sewda
- Ċikkulata bajda
- Ċirasa
- Ġewż (Pine nuts)
Tħejjija:
- Il-Prinjolata dawwarha mill-mixer tal-elettriku. Tista' wkoll tgħaffeġ kollox bil-masher.
- Ifforma blalen b'idek.
- Dewweb iċ-ċikkulata bajda u iksi l-blalen biha u poġġihom fuq dixx miksi bil-kartaforn.
- Dewweb iċ-ċikkulata sewda u uża mgħarfa jew passatur fin biex tagħmel is-sinjali fini fuq wiċċ il-blalen.
- Qatta' ċirasa ħadra u ħamra biċċiet żgħar u poġġi fuq kull pop biċċa ċirasa ħadra, biċċa ħamra u prinjola.
- Waħħalhom biċ-ċikkulata mdewba.
- Poġġihom fil-friġġ ħalli jibbiesu.
- Oħroġhom wara siegħa u neħħilhom iċ-ċikkulata żejda fit-truf b'sikkina.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u agħfas share biex inkomplu nwasslulek aktar riċetti li jogħġbuk.