Il-bażi ta’ dawn il-porzjonijiet huma l-ħafur (oats) u dqiq ismar li jagħtu lil dan il-ħelu aktar fibra. It-togħmiet tal-larinġ u ċ-ċikkulata jmorru flimkiem immens, u fl-aħħar il-pistaċċ kemm kemm mielaħ jiġbor kollox flimkien.
Ingredjenti
Għal 35 porzjon
- 3 kikkri ħafur (oats)
- ¾ kikkra pistaċċ (mhux immellaħ), imfarrak
- ½ għasel
- 1/3 kikkra dqiq ismar (whole wheat flour)
- 1 mgħarfa qoxra ta’ larinġa, imqattgħa rqiq ħafna
- ⅓ kikkra meraq tal-larinġ
- ¼ kikkra marsusa zokkor ismar
- ¼ kikkra butir imdewweb
- ½ kuċċarina essenza tal-vanilla
- 1 kuċċarina trab tal-ħami (baking powder)
- 1⅔ kikkri ċikkulata skura mfarrka
Metodu
- Saħħan il-form għal temperatura ta’ 180°C. Iksi dixx ta’ 40ċm x 25ċm x 2.5ċm bil-foil. Oħroġ il-foil ’il barra mit-tarf tad-dixx. Idlek il-foil ħafif biż-żejt jew butir imdewweb.
- F’bieqja kbira ħallat tajjeb flimkien il-ħafur, ½ kikkra mill-pistaċċ, l-għasel, id-dqiq, il-qoxra u l-meraq tal-larinġa, iz-zokkor ismar, il-butir, il-vanilla u t-trab tal-ħami.
- Ifrex it-taħlita fid-dixx u ppressaha sew. Aħmi għal 20 minuta jew sakemm tagħqad u tibda tieħu l-kulur. Berred kompletament.
- Ħoll iċ-ċikkulata banjumarija. Ifrixha fuq il-gallettina u roxx bil-kumplament tal-pistaċċ.
- Ħalliha toqgħod sakemm iċ-ċikkulata tagħqad u mbagħad aqsamha biċċiet.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
