Riċetta: Patata mixwija bil-mustarda u l-klin (rosemary)

Roasted Potatoes with Rosemary: Patata mixwija bil-mustarda u l-klin u l-klin (rosemary)

Akkumpanjament perfett għal ma' kull tip ta’ laħam u tjur. Għalkemm għall-bidu l-patata tibda tidher xi ftit imxarrba, ir-riżultat ikun patata tqarmeċ, b’kulur dehbi sabiħ u b’togħma verament tajba.

Ħin: siegħa u 15-il minuta

Isservi: 4-6 persuni

Ingredjenti:

  • 1/3 kikkra mustarda Dijon
  • 60 ml żejt taż-żebbuġa
  • Mgħarfa vermut (dry), jew inbid abjad
  • 2 sinniet tewm, misħuq
  • Mgħarfa klin frisk, imqatta’
  • Kuċċarina melħ oħxon
  • Bżar mitħun frisk
  • Kilo patata mill-bajda, maħsula sew u mqattgħa dadi ta’ 1½-2ċm.

Tħejjija:

  1. Saħħan il-forn għal temperatura ta’ 200°C.
  2. Fi skutella kbira ħabbat flimkien il-mustarda, iż-żejt taż-żebbuġa, il-vermut, it-tewm, il-klin, il-melħ u l-bżar mitħun frisk.
  3. Żid il-patata u ħawwad kollox flimkien sew. Aqleb il-patata fuq tilar bix-xifer jew dixx kbir u ifrixha f’saff wieħed.
  4. Aħmi għal madwar 50-60 minuta, jew sakemm tiħmar, filwaqt li tqalleb il-patata kull tant ħin.
  5. Servi l-patata sħuna.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!