Riċetta: Patata fil-forn bil-krema qarsa u kurrat selvaġġ (chives)

Recipe: Twice-baked sour cream and chive potatoes side-dish

Din ir-riċetta moħmija darbtejn hija tajba kemm waħidha u kemm bħala akkumpanjament ta’ platti oħra bħal tiġieġ mixwi, ċanga jew majjal.

Ingredjenti

Għal 8 persuni

  • 8 patatiet żgħar (madwar 1.13kg b’kollox)
  • 1 mgħarfa żejt veġetali
  • 1 kikkra krema qarsa (sour cream)
  • ¼ kikkra ħalib
  • 3 mgħaref butir
  • ¼ kikkra kurrat servaġġ (chives), imqatta’
  • Melħ oħxon u bżar mitħun frisk

Metodu

  1. Saħħan il-forn għal temperatura ta’ 205°C.
  2. Idlek il-patata biż-żejt.
  3. Poġġi l-patata fuq tilar u aħmi għal 45 minuta, sakemm sikkina bil-ponta tidħol fil-patata. Ħallihom jibirdu għal ftit ħin.
  4. B’sikkina taqta’ neħħi parti rqiqa mill-wiċċ tal-patata u armiha.
  5. B’mgħarfa aqla’ l-ġewwieni tal-patata u ħalli ½ċm mal-qoxra.
  6. Poġġi l-ġewwieni tal-patata f’bieqja u żid magħha l-krema qarsa, il-ħalib, il-butir u l-kurrat selvaġġ. Għaffeġ kollox flimkien sew. Żid il-melħ u l-bżar u ħawwad.
  7. B’mgħarfa imla l-patata bit-taħlita.
  8. Aħmi għal 20 minuta sakemm jiħmar il-wiċċ.
  9. Serviha sħuna b’aktar kurrat selvaġġ.

Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.