Tuffieħ bl-imsiemer tal-qronfol, ħwawar, ċitru u rum jagħmlu din ir-riċetta ta’ xarba sħuna tas-sidru (cider) irreżistibbli f’xi ġurnata kiesħa u f’xi festin tal-istaġun.
Minn din ir-riċetta tista’ toħroġ ukoll il-verżjoni mhux alkoħolika għal min ma jixrobx. Minflok is-cider uża l-meraq tat-tuffieħ, u tużax ir-rum.
Ingredjenti
- 2lt sidru (dry cider) jew meraq tat-tuffieħ
- 2 tuffiħat
- 20 musmar tal-qronfol
- 2 ħlewwa stellata (star anise)
- 4-6 bsaten tal-kannella (cinnamon sticks)
- 5-6 żerrigħat tal-allspice
- Meraq ta’ larinġa
- Rum (jekk trid)
- Flieli rqaq tat-tuffieħ biex iżżejjen
Metodu
- Niffed it-tuffieħ b’10 musmar tal-qronfol kull waħda
- Ħallat l-ingredjenti kollha, minbarra l-flieli tat-tuffieħ, f’kazzola kbira.
- Poġġi l-kazzola fuq nar medju mingħajr ma tħalliha tagħli, u tektek it-taħlita għal 30 minuta.
- Ferra’ t-taħlita fil-bieqja li se sservi fiha.
- Servi sħun bil-kuċċarun f’maggijiet tal-ħġieġ u żejjen bil-flieli tat-tuffieħ.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.