Read this in recipe in English: Savoury muffins with cheese and bacon
Meta nsemmu l-muffins mal-ewwel naħsbu f’dawk ħelwin, imma din ir-riċetta hija ta’ muffins kompletament differenti għax tista' tiekolhom bħala kolazzjon.
Ħin: 35 minuta
Kwantità: 24
Ingredjenti:
- 3 listi bacon mingħajr il-ġilda, imqattgħin irqiq
- 150 g dqiq self-raising
- 50 g ġobon cheddar, maħkuk irqiq
- Kuċċarina trab tal-mustarda
- Bajda
- 125 ml ħalib
- Melħ u bżar mitħun frisk
Tħejjija:
- Saħħan il-forn għal temperatura ta’ 180°C. Iksi tilar tal-muffins żgħar ta’ 24 toqba, jew tal-muffins ikbar bi 12-il-toqba, bil-forom tal-karti adattati għalihom.
- Saħħan taġen fuq nar moderat u ixwi l-bacon sakemm jiħmar. Poġġih fuq karta tal-kċina biex tixrob ix-xaħam.
- Fi skutella kbira ħallat flimkien id-dqiq, ¾ tal-ġobon, it-trab tal-mustarda u melħ u bżar.
- Fi skutella oħra ħabbat il-bajda u l-ħalib u żid il-bacon magħhom.
- Ferra’ t-taħlita likwida fit-taħlita xotta u ħawwad sakemm jitħallat kollox.
- Qassam it-taħlita fil-forom tal-karti u roxx fuqhom il-kumplament tal-ġobon.
- Aħmi għal 12-il minuta jew sakemm tara li ħmaru u jerġgħhu jogħlew meta tmisshom. Servi sħan jew f’temperatura tal-kamra.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
