Riċetta: Dundjan fuq il-ħobż mixwi

Riċetti Laħam tad-dundjan fuq il-ħobż mixwi

Għal ikla verament ħafifa pprova din ir-riċetta. It-togħma ta’ lumi fil-mayonnaise tgħaqqad it-togħmiet l-oħra kollha flimkien. Minflok fuq il-ħobż mixwi tista’ sservi din it-taħlita fuq insalata ta’ ħaxix aħdar.

Ħin 25 minuta

Ingredjenti

 Għal 6 persuni

  • ½ kikkra mayonnaise
  • 1 kuċċarina qoxra ta’ lumija maħkuka
  • 3 mgħaref meraq tal-lumi
  • 2 kikkri laħam tad-dundjan misjur
  • 1 zokk ta’ karfusa, imqatta’ rqiq
  • ¼ kikkra tursin frisk, imqatta’
  • ½ kikkra tuffieħ mill-aħdar, imqaxxar u mqatta’
  • ¼ kikkra żbib isfar, imqatta’
  • 3 mgħaref żejt taż-żebbuġa ekstra verġni
  • 6 dwawar ħobż, mixwi
  • Ħjara mingħajr żerriegħa, imqatta’ rqiq
  • Krexxuni (watercress), biex isservi

 

  1. Ħallat il-mayonnaise mal-qoxra maħkuka tal-lumija, 1 mgħarfa meraq tal-lumi u bżar f’bieqja.
  2. F’bieqja oħra ħallat il-laħam tad-dundjan, il-karfus, it-tursin, it-tuffieħ, iż-żbib, iż-żewġ imgħaref meraq tal-lumi, iż-żejt, u żewġ imgħaref mit-taħlita tal-mayonnaise.
  3. Idlek kull dawra ħobż b’mgħarfa taħlita tal-mayonnaise.
  4. Qassam il-laħam tad-dundjan bejn il-biċċiet tal-ħobż u żejjen bil-ħjar u l-krexxuni (watercress).

 

Ippruvajt din ir-riċetta?  Kif sibtha? Għidilna billi tħalli kumment hawn taħt.