Read this recipe in English: Kwarezimal - a traditional Maltese Easter sweet (with reduced sugar)
Il-kelma 'kwareżimal' tiġi mill-kelma quaresima, għall-40 jum tar-Randan, u l-ingredjenti f'dan il-ħelu jirriflettu n-nuqqas tal-lussu tal-ikel rikk. Fil-kwareżimal hemm nuqqas ta' bajd u xaħam. Din ir-riċetta hija bbażata fuq dik mill-ktieb ta' Helen u Anne Caruana Galizia L-Ikel u t-Tisjir ta' Malta u għalija dan il-ktieb huwa referenza ġenwina tal-kċina Maltija. Dan il-kwareżimal insibu aktar prattiku u attraenti fid-daqs ta' gidma. Barra minn hekk inaqqas iz-zokkor bin-nofs u juża l-għasel bhala sors ieħor ta' ħlewwa.
Ingredjenti:
- 200 g lewż mitħun
- 200 g dqiq plain mgħarbul
- 150 g zokkor
- Kuċċarina kannella
- Kuċċarina ilma żahar
- Qoxra maħkuka ta' lumija, larinġa u mandolina
- 4 mgħaref għasel tas-sagħtar
- Pistaċċi mqattgħin jew lewż li jogħġbok u qoxra ta' larinġa maħkuka biex iżżejjen
Tħejjija:
- Ħallat l-ingredjenti kollha flimkien u żid l-ilma biss biżżejjed biex jagħmlu għaġina iebsa.
- Agħġen ħafif f'forma ovali daqs gidma żgħira.
- Poġġi fuq folja tal-ħami u aħmi f'180°C għal madwar 10 minuti.
- Waqt li dawn ikunu għadhom sħan, iksi b'għasel tas-sagħtar u ferrex il-pistaċċi u l-lewż imqatta' u qoxra ta' larinġa maħkuka.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.