Ingredjenti: 

• Biċċa waħda magħmula minn kustilji tal-majjal bil-għadma
• Tazza nbid
• Ftit kosbor
• 2 mgħaref mustarda
• Klin
• Bżar mitħun u melħ jekk trid
• Nofs kilo patata mqattgħa
• Basla mqattgħa biċċiet
• 2 sinniet tewm maħkuka

Tħejjija:

1. Saħħan il-forn 180°C.
2. Idlek il-biċċa tal-laħam biż-żejt taż-żebbuġa, ftit melħ u bżar.   Idlek ukoll bil-mustarda. Ferrex fuq dan il-klin frisk u ż-żerriegħa tal-kosbor.
3. Idlek id-dixx tal-forn biż-żejt taż-żebbuġa.
4. Ferrex il-patata u l-basla fil-qiegħ u t-tewm maħkuk.
5. Qiegħed il-laħam ġo dixx tal-forn.
6. Għatti bit-tin foil u sajjar għal siegħa.
7. Neħħi mill-forn u aqla' t-tin foil. Dellek bi ftit ieħor mustarda u klin. Sajjar fil-forn għal siegħa u nofs oħra.
8. Ħalli kollox jistrieħ għal 10 minuti qabel ma sservi.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.