Riċetta: Koxxa tal-ħaruf bil-patata l-forn

Lamb leg with roasted potatoes: Koxxa tal-ħaruf bil-patata l-forn

Meta ssajjar il-laħam, f’dan il-każ il-ħaruf, fl-istess dixx mal-patata jfisser li l-patata tkun qed issir fil-likwidu li jerħi l-laħam, u għalkekk tixrob aktar it-togħma bnina.

Preparazzjoni: 30 minuta

Ħin totali: sagħtejn u 15-il minuta

Isservi: 8 persuni

Ingredjenti:

  • Koxxa tal-ħaruf ta’ 2 kg
  • 6 sinniet tewm, imqatta’
  • 2 friegħi klin (rosemary) frisk
  • 2 friegħi sagħtar (thyme) frisk
  • 2 kg patata kbira
  • 3 basliet, maqsumin għat-tul u mqattgħin irqiq għall-wisa’
  • 600 ml stokk tat-tiġieġ
  • 50 g butir
  • Melħ u bżar mitħun frisk

Tħejjija:

  1. Saħħan il-forn għal temperatura ta’ 190°C.
  2. Poġġi l-koxxa tal-ħaruf f’dixx u aqta’ talli ‘l hawn u ‘’l hemm fil-ġilda tal-koxxa biex tifforma bwiet żgħar u fihom deffes ftit mit-tewm u mill-weraq tas-sagħtar u klin.
  3. Qaxxar il-patata, qattagħha roti rqaq u laħlaħha taħt l-ilma. Poġġiha fi skutella flimkien mal-basal u l-kumplament tat-tewm, klin u sagħtar u ħawwad kollox flimkien. Dawwar din it-taħlita madwar il-koxxa fid-dixx.
  4. F’kazzola saħħan il-butir u l-istokk u ferrgħu fuq l-ingredjenti fid-dixx. Roxx bil-melħ u l-bżar.
  5. Għatti d-dixx bil-foil u aħmi għal siegħa, imbagħad neħħi l-foil u kompli aħmi għal 45 minuta oħra.
  6. Baxxi t-temperatura tal-forn għall-inqas possibbli. Tella’ l-koxxa mid-dixx u ħalli l-patata fil-forn.
  7. Poġġi l-koxxa fuq platt, għattiha bil-foil u ħalliha toqgħod għal 15-il minuta għas-sħana. Biex isservi qatta’ l-koxxa f’porzjonijiet u serviha mal-patata bil-basal.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!