Ħin totali: siegħa u nofs
Isservi: 6 porzjonijiet
Ingredjenti:
Għall-kejk:
- 200g tamal mingħajr għadma, imqatta’
- 1 kuċċarina bikarbonat tas-sodju (bicarbonate of soda)
- 1 kikkra ilma jagħli
- 60g butir, temperatura tal-kamra
- ½ kikkra zokkor fin (caster sugar)
- 2 bajdiet
- 1 ⅓ kikkra dqiq self-raising
Għall-krema:
- 1 kikkra ppakkjata zokkor ismar
- 1 kikkra krema doppja
- 100g butir, imqatta’
Tħejjija:
- Saħħan il-forn għal temperatura ta’ 180°C. idlek landa ta’ 18ċm bil-butir u iksi l-qiegħ tagħha bil-kartaforn.
- Poġġi t-tamal u l-bikarbonat tas-sodju f’bieqja u ferra’ fuqhom l-ilma jagħli. Ħalli t-tamal jixxarrab għal 20 minuta.
- B’ħabbata tal-elettriku ħabbat flimkien iz-zokkor u l-butir sakemm ikollok taħlita ħafifa. Żid il-bajd waħda waħda u ħabbat sew bejn kull waħda. Daħħal id-dqiq fit-taħlita billi tuża mgħarfa u titwi d-dqiq fit-taħlita (fold-in). Għaffeġ it-tamal b’furketta u żidu wkoll bl-istess mod.
- Aqleb it-taħlita fil-landa ppreparata u aħmi għal 40-45 minuta jew sakemm stikka li ddaħħal fiċ-ċentru tal-kejk toħroġ nadifa. Ħalli l-kejk jibred fil-landa għal 10 minuti qabel toħorġu biex ikompli jibred fuq gradilja.
- Sadanittant għamel il-krema maħlula tal-karamel: ħallat flimkien iz-zokkor, il-krema u l-butir f’kazzola u poġġiha fuq nar moderat. Ħawwad għal 3 minuti sakemm it-taħlita tibda tagħli. Baxxi n-nar u tektek għal 2 minuti. Ferra’ fuq il-kejk u servi.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
