Riċetta: Kejk tal-Milied ftit differenti… mill-Ġamajka

Riċetta: Kejk tal-Milied Ġamajkan

Il-Milied dalwaqt magħna u, jekk għadek ma għamiltx il-kejk tal-milied, din hija riċetta faċli u ftit differenti mit-tradizzjonali. Il-frott ta’ dan il-kejk jixxarrab għal bejn ġurnata u ġimgħa – aktar ma tħallih, aktar it-togħma ssir intensa, tant li lanqas ikollok għalfejn tiksih.

Ingredjenti

  • 250g pruna mnixxfa
  • 200g tamal imnixxef
  • 450g żbib
  • 250g sultana
  • 100g ċirasa tal-konfettura, maqsuma f’erbgħa
  • 200ml port
  • 200ml brandy

Għat-taħlita tal-kejk

  • 250g butir
  • 250g zokkor muscovado
  • 5 bajdiet, imħabbtin
  • ½ kuċċarina essenza tal-vanilla
  • 250g dqiq self-raising, mgħarbul
  • 1 mgħarfa ħwawar imħallta (mixed spice)
  • 1 mgħarfa trab tal-kannella
  • 100g ċirasa tal-konfettura, biex iżżejjen

 

Metodu

  1. Qatta’ l-pruna u t-tamal u poġġihom f’bieqja tal-ħġieġ flimkien mas-sultana u ż-żbib. Ferra’ fuqhom il-port u l-brany u għatti l-bieqja bil-cling film. Ħalli l-frott jixxarrab għal ġurnata u anke sa ġimgħa jekk trid. Ħawwad kultant.
  2. Iksi landa tonda ta’ 23ċm bil-kartaforn u idlikha bi ftit butir imdewweb.
  3. Saħħan il-forn għal temperatura ta’160°C. Ħabbat flimkien il-butir u z-zokkor sakemm ikollok taħlita ħafifa u kremuża. Żid il-bajd ftit ftit flimkien ma’ mgħarfa dqiq kull darba. Daħħal il-kumplament tad-dqiq. Żid il-ħwawar imħallta, it-trab tal-kannella, u ċ-ċirasa mqattgħa, u ħawwad sew. Ferra’ t-taħlita fil-landa ppreparata u llixxa l-wiċċ.
  4. Aħmi għal 30 minuta, imbagħad baxxi t-temperatura tal-forn għal 150°C għal 1½-1¾, sakemm stikka mdaħħla f’nofs il-kejk toħroġ nadifa. Ħalli l-kejk jibred fil-landa stess għal siegħa, imbagħad oħorġu fuq gradilja. Żejjen biċ-ċirasa sħiħa. Dawwar żigarella mad-dawra tiegħu u orbotha ċoff. Dan il-kejk iżomm f’landa għal ġimagħtejn.

 

Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.