Ħin totali: 15-il minuta
Preparazzjoni: 15-il minuta
Tisjir: xejn
Il-kastard hija marbuta mal-kċina Ingliża! Il-pudina tal-isponge u l-crumble ma jkunux l-istess mingħajrha! Din ir-riċetta tirriżultà f’kastard li tista’ tferragħu. IMPORTANTI: sabiex ikollok kastard mingħajr biċċiet trid tuża kazzola b’qiegħ tqil, u tħawwadha l-ħin kollu! Jekk ikollok bżonn titlaq minn mal-forn, neħħi l-kazzola minn fuq in-nar. Riċetta delizjuża oħra tal-kċina Ingliża.
Ingredjenti:
kikkra u nofs ħalib
2 kuċċarini cornstarch
mgħarfa zokkor
3 isfra tal-bajd
1/2 kuċċarina essenza tal-vanilja
Metodu:
Ħallat żewġ imgħaref ħalib mal-cornstarch f’kazzola b’qiegħ tqil. Meta l-cornstarch jinħall, żid il-bqija tal-ħalib u z-zokkor bil-mod, u sajjar fuq nar medju sakemm il-likwidu jibda jagħqad u jibda jbaqbaq. Neħħi minn fuq in-nar. F’kazzola żgħira, ħabbat l-isfra tal-bajd b’furketta. Ħu kikkra tal-likwidu u bil-mod żidha mal-bajt, u ħabbathom waqt li tkun qed tferragħ. Erġa’ qiegħed it-taħlita tal-bajd/likwidu fil-kazzola, u ħalltu fil-likwidu jaħraq. Erġa’ għallih, u ħalltu l-ħin kollu. Neħħih minn fuq in-nar u żid l-essenza tal-vanilja. Ferragħ il-kastard f’buqar jew ġarra u servi. Sabiex il-kastard ma jifformax qoxra xħin jiksaħ, għattih bil-clingfilm.
Ippruvajtha din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
