Ingredjenti:
- 500 g spinaċi
- meraq u qoxra ta' larinġa maħkuka
- 3 sinniet tewm imqattgħin irqaq
- basla mqattgħa rqiq
- 250 ml yoghurt
- 2 mgħaref krema friska
- melħ
- terz ta' kuċċarina garam masala
- terz ta' kuċċarina tumeric
- terz ta' kuċċarina trab tal-bżar aħmar (chillli powder)
- terz ta' kuċċarina paprika
- terz ta' kuċċarina ginġer
- 150 ml ilma
- daqs kuċċarina żejt biex taqli
Tħejjija:
- Aqli l-basla u t-tewm fiż-żejt, itfa' l-ħwawar kollha u ħallat.
- Żid l-ispinaċi (jew friska u mqattgħa jew tal-friża u ħalliha ddub u tneħħi l-ilma).
- Ħawwad kollox flimkien u żid 150 ml ilma u l-meraq tal-larinġ. Ħawwad u ħalli kollox jagħli.
- Żid il-yoghurt fuq nar baxx u ħawwad għal nofs minuta.
- Żid il-krema u ibqa' ħawwad għal nofs minuta oħra. Itfi n-nar.
- Ħalli kollox joqgħod. Dan il-kari jitjieb l-għada.
- Tista' sservih mal-kuskus imħallat bil-kosbor frisk u ftit qoxra maħkuka tal-larinġa.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.
