Kont taf li l-kaboċċa ħamra għandha dak il-kulur li minħabba li mimlija anti-ossidanti u anti-infjammatorji? Dawn huma ta' benefiċċju għas-saħħa u jgħinu fil-prevenzjoni kontra diversi mard fil-bniedem, bħall-kanċer u l-kolesterol. Barra minn hekk, il-kaboċċa ħamra tgħin issostni s-sistema diġestiva u tagħti appoġġ lis-sistema kardjovaskulari, jiġifieri dik li għandha x'taqsam mal-qalb u d-demm.
Ara l-filmat t'hawn fuq ta' Silvana Franco minn Waitrose għal kaboċċa ħamra bit-tuffieħ jew tista' tipprova r-riċetta t'hawn taħt għal kaboċċa ħamra bit-tuffieħ u ż-żbib.
Isservi: 8 persuni
Preparazjoni: 30 min
Ħin totali: 30 min
Ingredjenti:
- 2 ½ imgħaref butir
- Sinna tewm imqatta' rqiq
- Kaboċċa ħamra medja, mqatta’ (madwar 12-il kikkra)
- ¾ cider tat-tuffieħ
- 2 kuċċarini żrieragħ tal-karwija (caraway seeds)
- 3/4 kikkra żbib
- Tuffieħa mqatta' strixxi rqaq
- 4 imgħaref ħall tas-cider tat-tuffieħ (apple cider vinegar)
- Bżar u melħ
Tħejjija:
Ħoll il-butir ġo kazzola kbira fuq nar medju.
Żid it-tewm u sajjar għal minuta.
Żid il-kaboċċa, iż-żbib, iż-żrieragħ tal-karwija, is-cider tat-tuffieħ u sajjar, mgħotti, għal 10 minuti. Ħawwad kultant.
Żid it-tuffieħ u sajjar, mgħotti, għal madwar 5 minuti, sakemm il-kaboċċa tirtab.
Zid il-ħall tas-cider tat-tuffieħ u sajjar għal 3 minuti. Ħawwad kultant.
Żid il-bżar u l-melħ għat-togħma.
Biex tesperimenta b'aktar riċetti fantażjużi bit-tuffieħ, ikklikkja hawn: Riċetti interessanti bit-tuffieħ għall-ħarifa.
