Read this recipe in English: Winter salad with beans and mushrooms
Ix-xitwa ma tfissirx li għandek tinsa l-insalta... filfatt hemm diversi insalati xitwin maħsubin proprju għal dan l-istaġun. Għalkemm din hija riċetta ta’ insalata, fih inniffsu dan il-platt jista’ jkun ikla sħiħa ta’ ħaxix differenti. Barra minn hekk fih il-fażola li hija mimlija fibra u proteini.
Ħin totali: 30 minuta
Isservi: 4 persuni
Ingredjenti:
- 300 g faqqiegħ żgħir (mushrooms), imnaddaf u maqsum f’erbgħa
- 2 bżariet ħomor ħelwin (capiscum), imnaddfin u mqattgħin strixxi
- 1 mgħarfa żejt taż-żebbuġa
- 400 g fażola bajda (butter beans) tal-bott, imsaffija u mlaħalħa
- 1 bott fażola ħamra (kidney beans), imsaffija u mlaħalħa
- 2 zkuk karfus mill-oħxon (ta’ barra), imqattgħin
- ½ kikkra ġobon Parmiġġan, maħkuk oħxon
- ¼ kikkra tursin frisk, imqatta’ rqiq
Għad-dressing:
- ¼ kikkra ħall tas-sidru (cider vinegar)
- ¼ kikkra żejt taż-żebbuġa
- ¼ kikkra żejt veġetali
- 1 kuċċarina zokkor
- 1 kuċċarina origanu mnixxef
- Melħ u bżar mitħun frisk
Tħejjija:
- Saħħan l-imgħarfa żejt taż-żebbuġa f’taġen fuq nar moderat u żid il-bżar aħmar ħelu.
- Qalleb għal 2 minuti u żid il-faqqiegħ. Kompli sajjar għal 2 minuti oħra sakemm il-faqqiegħ jaqbad jirtab imma jkun għadu wieqaf.
- Żid il-fażola u l-karfus, ħawwad u neħħi minn fuq in-nar.
- Ħabbat flimkien il-ħall tas-sidru, iż-żejt taż-żebbuġa, iż-żejt veġetali, iz-zokkor, l-origanu, u melħ u bżar.
- Żid it-taħlita mal-insalata u ħawwad biex tiksi kollox.
- Servi fi bwieqi u roxx bit-tursin u ġobon Parmiġġan.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.