Din l-insalata tat-tiġieġ Caeser hija waħda minn dawk l-insalati li dejjem se ssib fuq il-menù ta' kull restorant. Issa, b'dan il-filmat ta' Anton Dougall, tista' tħejji din ir-riċetta d-dar. Sempliċi u magħmula bit-tiġieġ, din l-insalata hija ideali kemm bħala l-ewwel platt waqt xi ikla mal-ħbieb, kif ukoll bħala platt prinċipali. Tista' ssib l-ingredjenti hawn taħt.
Ingredjenti:
- Biċċiet tat-tiġieġa msajrin
- Bejken
- Ħassa
- 70 g ġobon parmiġġan maħkuk
- 6 imgħaref żejt taż-żebbuġa
- 3 imgħaref meraq tal-lumi
- 2 imgħaref inċova
- Mgħarfa Worchestershire sauce
- Mgħarfa kappar
- Kuċċarina mustarda Franċiza Dijon
- Tewm skont il-gosti
- Bajda
- Bżar mitħun frisk u melħ
