Ingredjenti
Għal 4 persuni
- 150g listi rqaq ta’ salamun, imqatta’ strixxi
- 150g weraq tari tal-aruka
- 1 mango mdaqqsa, imqaxxra, mingħajr għadma u mqattgħa flieli rqaq
- 2 mgħaref meraq tal-lumi
- 1 kuċċarina mustarda dijon
- 1 mgħarfa creme fraiche
- 1/3 ta’ kikkra żejt taż-żebbuġa
- 1 mgħarfa żejt tal-canola
- Melħ u bżar mitħun frisk
- Poġġi l-meraq tal-lumija, il-mustarda u l-creme fraiche ġo food processor u ħabbat sakemm l-ingredjenti jitħalltu kompletament.
- F’reċipjent biż-żennuna, ħallat flimkien iż-żewġ żjut, imbagħad ferrgħa ż-żejt fil-creme fraiche bil-processor jaħdem. Din it-taħlita tista’ tippreparaha anke sa tlett ijiem qabel, u tista’ tinżamm f’kontenitur fil-friġġ sa gimgħa.
- Qabel isservi, poġġi l-aruka f’bieqja kbira u ferrgħa nofs it-taħlita fuq il-weraq sakemm jinkesa imma jibqa’ wieqaf mingħajr ma jitbiel.
- Qassam l-aruka bejn erba’ platti, imbagħad qiegħed fuqu l-biċċiet tal-mango u s-salamun. Sevi fi-pront.
