Riċetta: Insalata tal-larinġ tad-demm, ċikwejra u ġellewż

Blood orange salad with cinnamon and hazelnuts Insalata tal-larinġ tad-demm, ċikwejra u ġellewż

Din l-isalata hija mimlija kuluri, togħmiet u palati differenti bil-kuntrasti tal-larinġ ħelu u mmerraq, it-togħma ftit morra taċ-ċikwejra, il-ġellewż iqarmeċ u fl-aħħar it-togħma qawwija tal-Parmiġġan.

Ħin: 30 minuta

Isservi: 4 persuni

Ingredjenti:

  • 4 larinġiet tad-demm imdaqqsin
  • 60 ml żejt taż-żebbuġa
  • Mgħarfa ħall tal-inbid abjad
  • Melħ u bżar mitħun frisk
  • Ċikwejra (chicory) ħamra, maqsuma min-nofs, mingħajr zokk, u mqattgħa f’biċċiet ta’ 3 ċm
  • Ħassa żgħira, maħsula, mingħajr zokk u mqattgħa biċċiet ta’ 3 ċm
  • 100 g ġellewż mingħajr qoxra, inkaljat
  • 50 g ġobon Parmiġġan, maħkuk kbir

Tħejjija:

  1. Minn waħda mil-larinġiet ħokk kuċċarina qoxra u agħsar 2 mgħaref meraq.
  2. Fi skutella ħabbat flimkien il-meraq u l-qoxra maħkuka, iż-żejt, il-ħall, ftit melħ u bżar.
  3. Qaxxar il-larinġ b’sikkina u qattgħu roti ta’ ½ ċm. Neħħi ż-żerriegħa mil-larinġ.
  4. Fi skutella kbira ħallat iċ-ċikwejra, il-ħassa u l-ġewż mal-meraq biex tiksi. Roxx bil-melħ u l-bżar.
  5. Qassam l-insalata bejn 4 platti u fuq l-insalata qassam il-larinġ. Ferrex il-Parmiġġan fuq kollox u servi.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!