Meta ma jkollokx aptit tiekol għaġin tqil, is-soluzzjoni hija li tagħmel insalata bl-għaġin – ħafif bħala ikla u ħafif biex tippreparah.
Preparazzjoni: 15-il minuta
Ħin totali: 30 minuta
Iservi: 4 persuni
Ingredjenti:
- 250 g għaġin ismar (wholemeal): penne, fusilli, bebbux, eċċ.
- 100 g fażola twila (green beans), imnaddfa u maqsuma f’biċċiet ta’ 4 ċm (tista’ tuża tal-friża)
- 300 g zalzett tal-għażla tiegħek: chipolata, chorizo, eċċ.
- 100 g faqqiegħ (mushrooms) żgħir, imqatta’
- Bżaru aħmar ħelu (capiscum), imqatta’ rqiq
- Bott ta’ 210 g qamħirrun (sweetcorn), imsaffi u mlaħlaħ
- 125 g tadam ċirasa, maqsum min-nofs
- 50 g weraq tal-ispinaċi tari
- 2 imgħaref żejt taż-żebbuġa
- Mgħarfa meraq tal-lumi
- Melħ u bżar mitħun frisk
Tħejjija:
- Għalli l-għaġin f’borma kbira ilma bil-melħ sakemm isir al dente; fl-aħħar 2 minuti żid miegħu il-fażola wkoll. Saffihom mill-ilma, u kessaħhom taħt l-ilma kiesaħ qabel terġa’ taqlibhom fil-borma.
- Sadanittant, saħħan taġen non-stick u żid iz-zalzett. Ixwi għal 6-8 minuti jew sakemm isir sew. Poġġ z-zalzett fuq platt miksi bil-karti tal-kċina, ixuttah, u qattgħu f’biċċiet kbar djagonali.
- Fl-istess taġen żid il-faqqiegħ u l-bżaru aħmar u qalleb għal 2-3 minuti sakemm il-bżar jaqbad jirtab.
- Żid il-weraq tal-ispinaċi u, kif jibda jidbiel, itfi n-nar.
- Żid din it-taħlita mal-għaġin; żid ukoll it-tadam, il-qamħirrun, iż-żejt u l-meraq tal-lumi.
- Roxx bil-melħ u bżar mitħun frisk u servi.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
