Din l-insalata għandha taħlita t'ingredjenti mhux tas-soltu, bħal-larinġ, il-pitravi, il-kemmun (cumin)u l-bużbież (sweet fennel), li jfakkru fl-ikel Marokkin u wkoll jagħtu dehra kkulurita u ċerta konsistenza interessanti fl-ikel. Hija ideali għal meta tkun trid tlesti l-ikel minn qabel għax ma tidbielx mal-ħin u tibqa' tqarmeċ.
Ħin: 15-il minuta
Isservi: 6 persuni
Enerġija: 134 kalorija kull porzjon
Ingredjenti:
- 2 pitravi mezzana, imsajrin fil-forn, imqaxxra, maqsuma u mqattgħa f'porzjoni rqaq
- 2 basliet tal-bużbież mezzana (madwar 600 g), maqsuma f'erbgħa. Neħħilhom il-qalba u qattagħhom irqaq.
- Larinġa mqaxxra u mqattgħa roti roti
- 2 imgħaref nagħniegħ imqatta'
- Mgħarfa cilantro mqatta'
- 2 imgħaref meraq tal-lumi
- 1/4 ta' kuċċarina zokkor
- 1/2 kuċċarina żrieragħ tal-kemmun mixwijin u mitħunin
- Melħ skont il-gosti
- Sinna tewm maħkuka
- 1/4 ta' kikkra żejt taż-żebbuġa Carapelli
Tħejjija:
- Itfa' l-pitravi, il-basal tal-bużbież, il-larinġ, in-nagħniegħ u s-cilantro ġo skutella kbira.
- Ħallat flimkien il-meraq tal-lumi, iz-zokkor, il-kemmun, il-melħ, it-tewm u ż-żejt taż-żebbuġa.
- Ħawwad u servi.
Żomm din l-insalata fil-friġġ għal ftit sigħat.
