Insalata sħuna u ta’ malajr li tista’ sservi bħala ikla ħafifa ma’ ħobż frisk.
Ħin: 25 minuta
Isservi: 2 persuni
Ingredjenti:
- 200 g faqqiegħ (mushrooms), imqatta’
- 100 g bacon, imqatta’ strixxi
- Mgħarfa żejt taż-żebbuġa
- Mgħarfa ħall tal-inbid aħmar jew tas-sidru (cider vinegar)
- Mgħarfa żerriegħa tal-mustarda (wholegrain mustard)
- 4 bajdiet
- 200 g ħaxix tal-insalata mħallat
- 30 g ġobon Parmiġġan, maħkuk oħxon
Tħejjija:
- Għalli l-ilma f’kazzola u ofsoq il-bajd waħda waħda kemm jista’ jkun qrib l-ilma biex ma jinfirxux. Għalli għal 3-4 minuti u saffihom.
- Sadanittant, saħħan mgħarfa żejt u qalli l-bacon sakemm jiħmar. Poġġih fuq karta tal-kċina biex joqtor.
- Fl-istess taġen qalli l-faqqiegħ sakemm jibda jirtab. Żid il-ħall u l-mustarda u ħawwad kollox flimkien.
- Qassam il-ħaxix fuq żewġ platti u aqsam it-taħlita tal-faqqiegħ. Poġġi l-bacon u żewġ bajdiet fuq il-faqqiegħ, roxx bil-ġobon Parmiġġan u servi sħun.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
