It-tuffieħ issoltu jiddeffes f'xi riċetta tal-majjal, iżda qatt ippruvajt tħallat it-togħma ħelwa ta' dan il-frott mat-tiġieġ?
Ara dan il-filmat minn Everyday Food by Sarah Carey biex tagħmel insalata bit-tiġieġ u t-tuffieħ jew inkella tista' tipprova r-riċetta t'hawn taħt.
Isservi: 4 persuni
Preparazjoni: 10 min
Ħin totali: 20 min
Ingredjenti:
- ¼ kikkra dqiq
- Bżar u melħ
- Bajda kbira
- Kikkra frak tal-ħobż
- 450g sider tat-tiġieġ, imsaħħaq (pounded) sakemm ikun ta’ ħxuna ndaqs
- 2 imgħaref żejt taż-żebbuġa
- ¼ kikkra xorrox tal-butir (buttermilk)
- 2 imgħaref mayonnaise
- Mgħarfa ħall tal-inbid abjad
- Mgħarfa tursin mqatta’ żgħir
- 1-2 ħassiet ħomor (sabiex tagħmel 8 kikkri weraq imqattgħin)
- 2 tuffieħat, mqattgħin f’kunjardi (wedges)
- Nofs kikkra cranberries
Tħejjija:
Fuq platt poġġi d-dqiq, fuq ieħor il-bajda mħabbta ma’ mgħarfa ilma, u fuq ieħor il-frak tal-ħobż.
Itfa’ ¼ ta’ kuċċarina melħ fid-dqiq u nofs kuċċarina melħ fil-frak tal-ħobż.
Nixxef is-sider tat-tiġieġ bil-karta tal-kċina sakemm isir iwaħħal.
Poġġi s-sider tat-tiġieġ ġod-dqiq u farfar iż-żejjed; imbagħad billu ġot-taħlita tal-bajd u neħħi ż-żejjed; iksih bil-frak tal-ħobż, u għafas ftit biex jeħel miegħu. Għamel hekk b’kull sider.
Saħħan iż-żejt taż-żebbuġa ġo taġen medju, żid is-sider tat-tiġieġ u sajjar sakemm jismar. Imbagħad aqilbu u kompli sajru għal madwar 8-10 minuti sakemm ikun sar sew. Ħallih jinxef u jibred fuq karta tal-kċina, imbagħad qatta' fi strixxi.
Waqt li t-tiġieġ jkun qed isir, ħawwad ix-xorrox tal-butir, il-mayonnaise, il-ħall u t-tursin. Żid il-bżar u l-melħ skont it-togħma.
Poġġi l-ħass fuq platt u roxx il-cranberries u t-tuffieħ. Poġġi t-tiġieġ fuqu, raxxax bit-taħlita u servi.
Biex tesperimenta b'aktar riċetti fantażjużi bit-tuffieħ, ikklikkja hawn: Riċetti interessanti bit-tuffieħ għall-ħarifa.
