Din hija riċetta ta’ malajr u addattata għal dawk li għandhom bżonn isegwu dieta bla glutina. Hija riċetta oħra oriġinali minn tiegħi bla zokkor u bla butir.
Ingredjenti:
- 150 g lewż mitħun
- 50 g ħafur (oats) bla glutina
- kuċċarina bikarbonat
- kuċċarina trab tal-ħami (baking powder)
- kwart ta’ kuċċarina trab tan-noce moscata
- 180 g zunnarija maħkuka
- qoxra ta’ lumija maħkuka
- 100 ml żejt taż-żebbuġa
- 200 g berquq niexef (dried apricots)
- 4 bajdiet
Tħejjija:
- Saħħan il-forn għal temperatura ta’ 160 grad Celcius.
- Ħawwad flimkien ġo skutella l-lewż mitħun, il-ħafur, in-noce moscata, il-bikarbonat u t-trab tal-ħami (baking powder).
- Żid iz-zunnarija mad-dqiq.
- Itħan billi tuża hand blender, il-bajd, il-berquq niexef, u ż-żejt taż-żebbuġa sakemm it-taħlita tiġi lixxa.
- Żid it-taħlita tal-lewż u ħawwad bil-mod.
- Ferragħ t-taħlita ġo loaf tin imdellek bi ftit żejt.
- Aħmi fil-forn għal 35 minuta mingħajr ma tiftaħ il-forn. Jekk ikun jonqsu aktar biex isir, aħmi għal xi għaxar minuti oħra.
Għoġbitek din ir-riċetta? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
