Jekk jogħġbok il-ħobż mixwi stil Franċiż, żgur li se jogħġbok dan imsejjaħ Monte Cristo. Għalkemm dan normalment jinqela, din id-darba se naħmuh fil-forn.
Ħin: 45 minuta
Ingredjenti
Għal 4 persuni
- 2 mgħaref butir mingħajr melħ, imdewweb
- 6 bajdiet kbar, imħabbtin ħafif
- 1¼ kikkra ħalib
- Melħ oħxon u bżar mitħun frisk
- ½ kikkra cranberry sauce, imqatta’ jekk fih xi biċċiet kbar
- 8 biċċiet ħobż abjad imqattgħin 2ċm ħxuna
- 340g dundjan imqatta’ listi rqaq
- 120g ġobon cheddar mill-qawwi, maħkuk
- Saħħan il-forn għal temperatura ta’ 205°C.
- Iksi tilar bil-karta forn u idlek il-karta bil-butir. Ħabbat il-bajd mal-ħalib u żidmagħhom ftit bżar u melħ. Ferra’ t-taħlita f’dixx ta’ 22ċm x 33ċm.
- Ifrex il-cranberry sauce fuq 4 biċċiet mill-ħobż. Poġġi fuqhom il-laħam tad-dundjan u roxx bil-bżar u melħ. Ferrex il-ġobon ugwalment fuq id-dundjan. Għatti bl-erba’ biċċiet ħobż li fadal.
- Bil-mod poġġi kull sandwich fit-taħlita tal-bajd u ħallih jixxarrab għal minuta fuq kull naħa.
- Tellagħhom mid-dixx tal-bajd u poġġihom fuq it-tilar. Aħmi għal 15-il minuta, imbagħad dawwarhom fuq il-wiċċ l-ieħor u kompli aħmi għal 7 minuti oħra.
- Ħalli l-ħobż moħmi joqgħod għal 5 minuti qabel isservih.
Ippruvajt din ir-riċetta? Kif sibtha? Għidilna billi tħalli kumment hawn taħt.
