Fl-istess ħin fil-forn tista’ tipprepara dawn il-ġwienaħ tat-tiġieġ flimkien mal-flieli tal-patata, u waqt li jkunu fil-forn tlesti wkoll kontorn ta’ ħaxix. Kollox f’siegħa u kwart biss!
Preparazzjoni: 20 minuta
Ħin totali: 1 siegħa u 15-il minuta
Isservi: 4 persuni
Ingredjenti:
- 12-il ġewnaħ tat-tiġieġ (madwar 1 kg)
- 4 imgħaref soy sauce
- 3 imgħaref ketchup
- 3 imgħaref sweet chilli sauce
- 2 imgħaref zokkor ismar
- 3 sinniet tewm, misħuq
Għall-flieli tal-patata:
- 4 patataiet kbar
- 2 imgħaref żejt veġetali
- Melħ oħxon
- Bżar mitħun frisk
Għall-coleslaw:
- 250 g kaboċċa, imqattgħa rqiq
- 2 karrotti mdaqqsin, imqaxxrin u maħkukin oħxon
- 4 imgħaref mayonnaise
- Mgħarfa ketchup
- Kuċċarina ħall balsamiku
- Melħ u bżar mitħun frisk
Tħejjija:
- Saħħan il-forn għal temperatura ta’ 200°C.
- Biex tagħmel il-flieli tal-patata:
- Iksi tilar bil-kartaforn.
- Aħsel tajjeb il-patata u qattagħha flieli ħoxnin għat-tul.
- Poġġihom fi skutella maż-żejt, niskata melħ u bżar u ħallat kollox sakemm il-patata tinkesa.
- Poġġi l-flieli waħda ħdejn l-oħra bin-naħa tal-qoxra fuq il-karta.
- Aħmi għal 55 minuta sakemm jiħmaru.
- Biex tagħmel il-ġwienaħ:
- Fi skutella ħallat iz-zokkor, it-tewm, is-soy sauce, il-ketchup, u s-sweet chilli sauce flimkien.
- Żid il-ġwienaħ u dawwarhom fit-taħlita sakemm jinksew.
- Poġġihom f’dixx kbir u aħmi fl-ixkaffa ta’ fuq il-flieli tal-patata għal 45 minuta.
- Aqlibhom darba meta jkunu nofs sajran.
- Biex tagħmel il-coleslaw:
- Sakemm il-ġwienaħ u l-patata jkunu fil-forn ipprepara l-coleslaw.
- Fi skutella kbira ħallat flimkien il-mayonnaise, il-ketchup, il-ħall balsamiku u bżar u melħ.
- Żid magħhom il-kaboċċa u l-karrotti u ħawwad kollox sew flimkien.
- Servi l-ġwienaħ u l-patata flimkien bil-coleslaw fi skutelli żgħar.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
