Fis-sajf insibu abbundanza ta’ frott differenti li x’aktarx l-istaġun tiegħu ikun pjuttost qasir, għalhekk tajjeb li nużaw kemm jista’ jkun minnu sakemm ikollna ċ-ċans.
Ħin: 40 minuta, u ħin biex tiffriża
Isservi: 4 persuni
Ingredjenti:
- 250 ml ilma
- 200 g zokkor
- 400g berquq
- Meraq ta’ lumija
- ½ kuċċarina essenza tal-vanilla
Tħejjija:
- Poġġi z-zokkor f’kazzola ma’ tazza ilma fuq nar moderat u ħawwad kultant sakemm jagħli.
- Sadanittant, aħsel u xxotta sew il-berquq, aqsmu u neħħilu l-għadma, imbagħad qattgħu dadi żgħar.
- Żid il-berquq fil-kazzola max-xropp taz-zokkor, għatti l-kazzola, baxxi n-nar u tektek bil-mod għal 30 minuta.
- Neħħi l-kazzola minn fuq in-nar u ħalli t-taħlita tiksaħ kompletament, imbagħad għaddiha minn passatur u agħfasha sew biex joħroġ il-purè.
- Mal-purè żid il-meraq tal-lumi u l-vanilla u ħawwad sew.
- Ferra’ t-taħlita f’kontenitur li jidħol fil-friża u ffriża għal 3 sigħat. Ħawwad il-granita kull 30 minuta b’mgħarfa tal-injam.
- Servi l-granita f’tazzi mżejna bil-weraq tan-nagħniegħ.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!