Kif it-tfal ikunu d-dar bil-vaganzi tal-Għid, bi ftit għajnuna, jistgħu jagħmlu din ir-riċetta faċli u ħelwa ta’ bejtiet magħmulin mill-cornflakes u ċikkulata u mżejnin bil-bajd taċ-ċikkulata żgħir.
Ħin: 50 minuta
Kwantità: 12
Ingredjenti:
- 100 g ċikkulata tal-ħalib
- 50 g butir
- 2 imgħaref għasel jew golden syrup
- 100 g cornflakes (jekk ikunu mill-kbar kissirhom ftit b’idejk)
- Bajd taċ-ċikkulata żgħir ikkulurit
Tħejjija:
- Kisser iċ-ċikkulata u poġġiha fi skutella mal-butir u l-għasel jew golden syrup.
- Poġġi l-iskutella fuq kazzola bil-misħun (banjumarija) mingħajr ma tmiss mal-ilma u ħawwad sakemm l-ingredjenti jinħallu u jkollok taħlita lixxa.
- Neħħi l-iskutella minn fuq il-misħun u żid il-cornflakes. Ħawwad sakemm jinkesa kollu biċ-ċikkulata.
- Poġġi 12-il forma tal-karti fit-toqob ta’ bun tin.
- Aqsam it-taħlita bejn it-12-il forma u ffurmalhom kemxejn ħofra fin-nofs tagħhom.
- Poġġihom fil-friġġ għal 30 minuta biex jagħqdu. Poġġi 2-3 bajdiet f’kull bejta.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!