Għal San Valentinu din is-sena nuża l-frawli u l-coconut f'numru ta' riċetti ġodda u deżerti.
Din riċetta ħloqtha għar-rivista Baking Brilliant tar-Renju Unit u kienet parti minn programm tiegħi fuq ir-radju! Hija riċetta ta' cheesecake mingħajr bażi u bla użu tal-butir waqt li nsegwu d-dieta Mediterranja u ngawdu minn tisjir bnin mingħajr ma niċċaħħdu.
Ingredjenti:
- 2 u 1/2 kikkri dqiq self raising
- kikkra zokkor
- kikkra rkotta
- qoxra maħkuka ta' 1/4 ta' lumija
- 2 imgħaref qxur tal-coconut mixwi (coconut flakes)
- kikkra coconut
- mgħarfa dqiq tal-qamħirrun (cornflour)
- 4 bajdiet
- purè b'150g frawli frisk
- 6 frawliet imqattgħin
- ftit qatriet estratt tal-vanilja
- mgħarfa bikarbonat
- 1 frawli punnet żgħar maqtugħa f'nofsijiet
- mgħarfa flakes tal-coconut (ma' toast)
- landa kejk springform 23 ċm
- ftit butir jew marġerina biex tidlek id-dixx
Tħejjija:
- Fi skutella kbira uża mixer elettriku tal-idejn biex tħallat l-irkotta u z-zokkor. Ħabbat sakemm jiġi lixx. Żid il-purè tal-frawli u ħawwad bil-mixer.
- Għarbel id-dqiq ġo skutella oħra, żid il-bikarbonat tas-soda u l-cornflour. Żid il-coconut u l-qxur tagħhom.
- Żid il-vanilja u l-qoxra tal-lumi mat-taħlita tal-irkotta. Ħabbat il-bajd u żidu mat-taħlita.
- Uża mgħarfa tal-metall biex tħallat id-dqiq; ħawwad bil-mod mingħajr ma tħallat iżżejjed, imbagħad finalment żid il-frawli mqatta'.
- Ferra' t-taħlita fil-landa tal-kejk imdellka bi ftit butir jew marġerina. Fuq il-wiċċ poġġi l-bqija tal-frawli u ftit flakes tal-coconut .
- Sajjar ġo forn 160°C għal 40 minuta. Poġġi skewer nadifa biex tiċċekkja li sar il-kejk. Jekk ma jkunx sar ħallih ftit ieħor. Il-fran dawn iż-żminijiet ivarjaw ukoll skont il-livelli tal-ambjent u l-umdità u wkoll skont jekk għandux fann jew le.
- Żejjen b'aktar frawli frisk fil-wiċċ.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.
