Ħin: 40 minuta
Isservi: 4 persuni
Ingredjenti:
- 400g għaġina sfiljurata tal-friża, bil-friża mniżżla
- Bajda, imħabbta ħafif
- 4-5 listi prosciutto
- 2/3 kikkra tamal mingħajr għadma, imqatta’
- 100g ġobon gorgonzola, imfarrak
- 1 kikkra weraq tari tar-rucola
- 1 mgħarfa meraq tal-lumi
- 1 mgħarfa żejt taż-żebbuġa
Tħejjija:
- Saħħan il-forn għal temperatura ta’ 220°C. Iksi tilar bil-kartaforn u iftaħ l-għaġina b’1 ċentimetru aktar mil-landa mad-dawra kollha. Poġġi l-għaġina fuq it-tilar u ilwi ż-żejjed ’il ġewwa biex tifforma bordura mad-dawra. Taqqab l-għaġina ’l hemm u ’l hawn b’furketta u kessaħ għal 15-il minuta.
- Idlek l-għaġina bil-bajd u aħmi għal 10 minuti jew sakemm tiħmar. Għatti l-għaġina b’tilar ieħor biex tiċċattjaha u kompli aħmi għal 5 minuti oħra.
- Sadanittant poġġi l-prosciutto fuq tilar ieħor u poġġih fil-forn għal 5 minuti. Ifrex il-prosciutto fuq l-għaġina u ferrex fuqu l-gorgonzola u t-tamal. Erġa’ daħħal fil-forn għall-aħħar 3 minuti jew sakemm jinħall il-ġobon.
- Biex isservi ferrex il-weraq tar-rucola fuq kollox u roxx bil-meraq tal-lumi u ż-żejt taż-żebbuġa.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
Let us know if you'd like this recipe in English and we'll do this for you.
