Ingredjenti:
- żejt taż-żebbuġa
- 450 g dqiq
- kuċċarina baking soda
- kuċċarina melħ
- 400 ml yoghurt
- ħwawar friski
- żebbuġ iswed
- tadam imqatta'
- ġbejna maħkuka
- melħ u bżar
- rignu (oregano)
Tħejjija:
1. Ixgħel il-forn fuq 230°C/gass 8. Idlek dixx b’ammont sostanzjali ta’ żejt taż-żebbuġa.
2. Għarbel id-dqiq u l-baking soda ġo skutella kbira. Żid il-melħ u 50 g ġobon maħkuk u ħallat b’idejk.
3. Agħmel toqba fin-nofs u ferragħ ħafna mix-xorrox tal-butir (buttermilk). Ħallat id-dqiq max-xorrox jew yoghurt billi tħawwad għat-tond. Żid il-kumplament tax-xorrox u ibqa’ ħallat sakemm ikollok għaġina ratba.
4. Qiegħed l-għaġina fuq wiċċ kollu dqiq u iftaħha għall-qies ta' 35 x 20ċm. Poġġi t-taħlita f'dixx midluk biż-żejt u idlek l-għaġina biż-żejt taż-żebbuġa.
5. Agħmel ħofor fuq il-parti ta’ fuq tal-għaġina.
6. Qiegħed biċċa zalzett, klin (rosemary), żebbuġa u tadama f’kull ħofra.
7. Ferragħ ftit żejt taż-żebbuġa u żid melħ tal-baħar, bżar, ġbejna maħkuka u rignu.
8. Sajjar l-għaġina fil-forn għal nofs siegħa f’temperatura ta’ 200°C sakemm il-ħobż ikun misjur minn fuq u minn taħt.
9. Meta l-focaccia tkun saret u tkun għadha sħuna, ferragħ fuqha ftit aktar żejt taż-żebbuġa. Ħalliha tibred ftit qabel ma sservi.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.