Ingredjenti:
- 400 g Fettucini
- Basla kbira mqaxxra u mqattgħa
- Brunġiela mqattgħa dadi
- 4 qarabagħliet imdaqqsin imqattgħa dadi
- 300 g polpa tat-tadam
- Sinna tewm imqattgħa
- Ħwawar friski li jogħġbuk imqattgħin
- Kuċċarina mixed herbs nixfin
- Żejt taż-żebbuġa
- Ġobon maħkuk għall-wiċċ
- Bżar mitħun frisk u melħ jekk trid
Tħejjija:
- Għalli l-fettucini skont l-istruzzjonijiet fuq il-pakett.
- Saħħan iż-żejt ġo taġen u qalli t-tewm u l-basal. Żid il-ħaxix kollu, ħawwad u sajjar għal ħames minuti. Żid il-ħwawar u l-polpa tat-tadam. Roxx ftit bżar u melħ. Kompli sajjar fuq nar baxx għal madwar 15-il minuta. Neħħi minn fuq in-nar. Żid l-għaġin u ħawwad tajjeb maz zalza bla ma tfarrku. Servi sħun bil-ġobon u aktar ħwawar fil-wiċċ.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
