Riċetta oħra minn tiegħi bla zokkor u bla butir, b'għażla tal-użu tal-istevja għal dawk li jsofru mid-dijabete jew jixtiequ jnaqqsu l-piż.
Ingredjenti:
- 250 g dqiq self-raising
- 100 g rkotta
- mgħarfa żejt taż-żebbuġa
- mgħarfa cornflour
- kuċċarina bikarbonat
- tuffieħa mqaxxra
- meraq ta' nofs lumija
- 3 bajdiet isseparati
- 8 mgħaref stevia jew 150 g żbib mill-isfar imxarrab u mitħun
- 250 g frott niexef imħallat, ċirasa u konfettura (li jogħġbok)
- vanilja
- qoxra ta' lumija maħkuka
- qoxra ta' mandolina maħkuka
- 1/4 ta' kuċċarina kannella
Tħejjija:
- Għarbel id-dqiq.
- Ħaddem l-irkotta u ż-żejt taż-żebbuġa ġod-dqiq.
- Żid il-vanilja, il-qoxra taċ-ċitru u l-kannella.
- Żid il-frott imħallat.
- Itħan it-tuffieħa mal-isfar tal-bajd u l-meraq tal-lumi u żidhom ukoll.
- Ħawwad ħafif b'idejk.
- Agħmel xkuma bl-abjad tal-bajd.
- Żid il-bikarbonat. Ħawwad ħafif mat-taħlita l-oħra.
- Poġġi ġo paper cases tal-fairy cakes.
- Aħmi għal 20 minuta f'temperatura ta' 170°C.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
