Deżerta ħafifa, friska u faċli biex tipprepara li tuża frott tal-istaġun: il-frawli u l-lumi, li flimkien joħolqu deżerta b’togħma eċċellenti.

Preparazzjoni: 5 minuti

Ħin totali: 20 minuta

Isservi: 4 persuni

Ingredjenti:

• 250 g frawli friska, maħsula
• 300 ml krema doppja
• 125 ml inbid ħelu tad-deżerta, bħal Moscato
• 55 g zokkor fin (caster sugar)
• 2 kuċċarini qxur tal-lumi, maħkuk irqiq
• 2 imgħaref meraq tal-lumi

Tħejjija:

1. Żomm 4 frawliet sbieħ; aqla l-weraq tal-kumplament u qattgħu irqiq.
2. Ħallat il-krema, l-inbid, iz-zokkor u l-qxur u l-meraq tal-lumi; ħabbathom flimkien sakemm jitilgħu u jżommu f’ponot.
3. Qassam nofs il-frawli mqattgħa bejn 4 tazzi tas-sieq u qassam ukoll nofs il-krema.
4. Agħmel saff ieħor bl-istess mod u żejjen il-wiċċ bil-frawli sħiħ.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!