Jekk trid tipprepara deżerta fi ftit minuti, imma fl-istess ħin tajba u oriġinali, ipprova din id-deżerta tradizzjonali mill-Greċja.
Ħin: 15-il minuta
Isservi: 4 persuni
Ingredjenti:
- 450 ml yoghurt Grirg
- Ftit qtar essenza tal-vanilla
- 200 ml għasel
- 150 g ġewż mingħajr qoxra
- Trab tal-kannella (cinnamon)
Tħejjija:
- Saħħan taġen fuq nar moderat u żid il-ġewż. Inkaljah għal ftit minuti filwaqt li tqallbu kontinwament sakemm jieħu kulur dehbi. Poġġih fi skutella, żid l-għasel u ħawwadhom sakemm jinksew.
- Ħallat l-essenza tal-vanilla mal-yoghurt u qassmu bejn 4 skutelli żgħar. B’mgħarfa ferrex it-taħlita ta’ ġewż u għasel fil-wiċċ ta’ kull porzjon, imbagħad roxx ukoll ftit trab tal-kannella.
- Servi fil-pront jew poġġih fil-friġġ għal aktar tard.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
