Riċetta: Cupcakes tal-kafè bil-krema taċ-ċikkulata

Coffee cupcake with chocolate cream

Il-kafè u ċ-ċikkulata narawhom flimkien f’ħafna riċettti għax jikkumplimentaw tajjeb ħafna lil xulxin, kemm f’xarbiet kif ukoll fil-ħelu.

Ħin: siegħa u 25 minuta

Kwantità: 12

Ingredjenti:

Għall-cupcakes:

  • 200 g dqiq self-raising, mgħarbul
  • 200 g zokkor fin (caster sugar)
  • 200 g butir, temperatura tal-kamra
  • 2 kuċċarini kafè espresso (instant), maħlulin f’mgħarfa ilma jagħli
  • 4 bajdiet

Għall krema:

  • 250 g ġobon mascarpone
  • 1½ mgħarfa kawkaw, maħlulin  f’mgħarfa ilma jagħli
  • 1½ mgħarfa zokkor tal-ġelu (icing sugar)
  • Chocolate drops/kawkaw/ċikkulata maħkuka jew imdewba, biex iżżejjen

 

Tħejjija:

  1. Saħħan il-forn għal temperatura ta’ 180°C. Imla landa ta’ 12-il muffin (muffin tin) bil-forom tal-karti.
  2. Fi skutella ħabbat flimkien il-butir u z-zokkor fin sakemm ikollok taħlita ħafifa u ċara. Żid il-bajd waħda waħda ma’ mgħarfa dqiq u ħabbat bejn kull waħda, u fl-aħħar żid ukoll il-kafè maħlul. Daħħal il-kumplament tad-dqiq bil-mod b’mgħarfa.
  3. Qassam it-taħlita bejn il-forom tal-karti u aħmi għal 20-30 minuta jew sakemm stikka li ddaħħal f’nofs waħda minnhom toħroġ nadifa. Berred fuq gradilja
  4. Sadanittant ipprepara l-krema. Ħabbat flimkien il-ġobon mascarpone, iz-zokkor tal-ġelu u l-kawkaw maħlul. Poġġi t-taħlita f’piping bag b’ponta wiesgħa u żejjen il-wiċċ ta’ kull cupcake. Roxx il-wiċċ biċ-chocolate drops/kawkaw/ċikkulata maħkuka jew imdewba.

 

Did you enjoy this recipe? Leave your comments below and please rate and share to help us bring you more of the recipes you like.

Look at this list of fruit and vegetables according to the season