Riċetta oħra għall-crumble famuża tat-tuffieħ!
Ħin: Siegħa u 20 minuta
Preparazzjoni: 20 minuta
Tisjir: Siegħa
Isservi: 8
Ingredjenti:
6 tuffiħiet
3 mgħaref meraq tal-lumi frisk
½ kikkra ilma
4 mgħaref zokkor
¼ ta’ kuċċarina noċemuskata (nutmeg)
1/3 ta’ kuċċarina kannella (cinnamon)
Għall-crumble
½ kikkra zokkor
½ kikkra butir
¾ ta’ kikkra dqiq
½ kikkra zokkor fin
Metodu:
1. Qaxxar it-tuffieħ u qattgħu f’kubi jew flieli (slices). Poġġihom f’borma żgħira u żid il-meraq tal-lumi, iz-zokkor, l-ilma u l-ħwawar. Għallihom fuq nar baxx sakemm it-tuffieħ jirtab.
2. Fi skutella, ħallat b’idejk iz-zokkor, il-butir u d-dqiq sakemm isiru frak.
3. Aqbad dixx tal-pyrex u iksih bil-butir u qiegħed it-taħlita tat-tuffieħ. Qiegħed il-frak fuq il-wiċċ.
4. Sajjarha f’temperatura ta’ 180 °C għal 20-30 minuta.
5. Ħalliha tiksaħ ftit, imbagħad xerred ftit zokkor fin fuqha.
Ippruvajtha din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
