Din ukoll riċetta bil-mili mingħajr zokkor. Jekk trid tista' tħalli l-istevja barra u tuża għasel biss. Jiena wkoll ta' spiss nagħmel din ir-riċetta mingħajr is-saff tal-gallettini u l-mili jingħaqad flimkien biex tagħmel deżerta delizzjuza.
Għall-qiegħ
Ingredjenti:
- 3 kikkri gallettini light u sugar free
- kwart ta' kikkra butir
- kwart ta' kikkra cream cheese light
- ftit qtar vanilja
Tħejjija:
- Ġo skutella farrak il-gallettini u itħanhom sakemm il-konsistenza tiġi fina.
- Żid il-butir u l-vanilja.
- Ħallat il-butir, il-cream cheese u l-kannella flimkien mal-gallettini.
- Agħfas ġol-qiegħ ta' dixx springform ta' 20 ċm.
- Aħmi ġo forn 170 °c għal 10 minuti.
- Ħalli kollox jiksaħ qabel ma żżid il-mili.
Għall-Mili
Ingredjenti:
- 300 g irkotta
- 200 g cream cheese
- 50 ml għasel
- mgħarfa stevja jew inkella 100 g għasel
- 4 bajdiet
- 2 mgħaref dqiq tal-qamħirrun (cornflour)
- ftit qtar vanilja
- Frott li jogħġbok biex iżżejjen il-wiċċ.
Tħejjija:
- Ħallat l-ingredjenti kollha flimkien ġo mixer tal-elettriku.
- Xħin it-taħlita ssir konsistenti u lixxa ferragħha ġo dixx tal-kejk fuq il-qiegħ tal-gallettini u aħmi ġol-forn b'170 °C għal 45 minuta.
- Ħalli ċ-cheesecake jibred qabel ma taqilgħu mid-dixx.
- Żejjen bil-frott li jogħġbok u jekk trid bil-krema.
Ippruvajtha din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
