Kemm Cadbury kif ukoll Philadelphia huma ismijiet familjari, li kulħadd jaf kemm huma prodotti tajbin fil-qasam tagħhom. Fejn jidħol il-ħelu, x'jista' jkun aħjar minnhom għall-cream cheese u ċ-ċikkulata? Din ir-riċetta ta' Cheesecake Brownies tlaqqa' dawn il-prodotti f'riċetta li żgur ħadd ma jkun jista' jirreżisti!
Isservi: 16
Preparazzjoni: 15 minuta
Ħin totali: 25 minuta
Ingredjenti:
- 175g caster sugar
- 150g butir mhux mielaħ Kerrygold, artab
- 50g trab tal-kawkaw (cocoa powder) Cadbury Bournville
- 75g tqiq plain
- 3 bajdiet mħabbtin
- 160g Philadelphia bil-Cadbury
Tħejjija:
- Saħħan il-forn sa 180⁰C.
- Xaħħam dixx kwadru tal-forn ta' 20 cm.
- Dewweb iz-zokkor, il-butir u l-kawkaw banju marija (ġo skutella f'borma bl-ilma jagħli)
- Neħħi min-nar u ħawwad sew, imbgħad ħawwad id-dqiq ġot-taħlita.
- Żid il-bajd u ħawwad sew.
- Itfa' t-taħlita ġod-dixx u kun ċert li twassal sal-irkejjen.
- Poġġi kuċċarini tal-Philadelphia fuq iċ-ċikkulata u ħawwad darba b'sikkina jew skewer.
- Sajjar fil-forn għal madwar 20-25 minuti sakemm it-taħlita ssir soda.
- Ħalli kollox jibred, u qatta' f'biċċiet kwadri.
Informazzjoni tan-nutrizzjoni għal kull porzjon:
Enerġija 103.9 kaloriji
Xaħam 6.2g
Xaħam saturat 3.8g
Melħ 0.1g
Zokkor 8.5g
