Dejjem nippruvaw innaqqsu xi ftit wara l-Milied u għalhekk dan it-tip ta' cheesecake huwa mingħajr zokkor miżjud. It-togħma mhix se tkun eżatt bħal ta' dawk tradizzjonali imma din hi riċetta bnina ħafna.
Ingredjenti:
- 3 kikkri gallettini light
- kwart ta' kikkra butir
- kwart ta' kikkra cream cheese light
- ftit qtar vanilja
Tħejjija:
- Ġo skutella farrak il-gallettini u itħanhom sakemm il-konsistenza tiġi fina.
- Żid il-butir u l-vanilja.
- Ħallat il-butir, il-cream cheese u l-kannella flimkien mal-gallettini.
- Agħfas ġol-qiegħ ta' dixx springform ta' 20 ċm.
- Aħmi ġo forn 170 °c għal 10 minuti.
Għall-mili:
Ingredjenti:
- pakkett jelly tal-frawli mingħajr zokkor
- pakkett cream cheese low fat
- ftit qtar vanilja
Tħejjija:
- Ħallat il-jelly ma' kwart ta' kwantità tal-ilma li jgħidlek fuq il-pakkett u ħallat sakemm tiġi t-taħlita konsistenti.
- Ħallih jibred u ġo mixer ħawwad il-cream cheese mal-vanilja.
- Żid il-jelly bil-mod il-mod.
- Kessaħ ġol-friġġ.
- Meta jagħqad erġa' ħawwad bil-mixer għal ftit minuti biss sakemm it-taħlita tillixxa.
- Tħallix tidħol ħafna arja.
- Ferragħ ġod-dixx fuq il-qiegħ tat-taħlita tal-gallettini u poġġi fil-friġġ sakemm ma jagħqad.
- Żejjen bil-frawli u ftit krema jekk trid.
Ippruvajtha din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.